|
|
|
|
លទ្ធផលស្មើគ្នា 2-2 មិនមែនជាការបញ្ចប់ដំណើនៃការតស៊ូរបស់ក្រុមជម្រើសជាតិម៉ាឡេស៊ីក្នុងពានរង្វាន់ Asean Cup នោះទេ បន្ទាប់ពីមិនអាចយកឈ្នះកម្ពុជាក្នុងការប្រកួតដំបូងនៃពូល A នៅពហុកីឡដ្ឋានជាតិអូឡាំពិក រាជធានីភ្នំពេញ ប្រទេសកម្ពុជា កាលពីយប់មិញ។
យោងតាមអ្នកចាត់ការទូទៅជម្រើសជាតិលោក Paulo Marti Vicente លោកមានទំនុកចិត្តថា ក្រុមរបស់លោកនឹងកើនឡើងុមួយកម្រិតទៀត ក្នុងការប្រកួតលើកទីពីរជាមួយនឹងក្រុមទីម័រខាងកើត ដែលគ្រោងនឹងធ្វើឡើងនៅពហុកីឡដ្ឋានជាតិ Bukit Jalil នៅថ្ងៃពុធនេះ។
លោកថាលោកនៅតែមានជំនឿចិត្ត ក្រុមជម្រើសជាតិនឹងអាចឈានទៅកាន់វគ្គពាក់កណ្តាលផ្តាច់ព្រ័ត្រនៅពេលក្រោយ។
គាត់បាននិយាយនៅក្នុងសន្និសីទសារព័ត៌មានបន្ទាប់ពីការប្រកួតចប់មិញថា ឥឡូវនេះ យើងមានពេលពីរថ្ងៃទៀត ដើម្បីត្រៀមខ្លួនសម្រាប់ការប្រកួតបន្ទាប់ ។ ដូចខ្ញុំបាននិយាយអញ្ចឹង នេះគឺជាការប្រកួតទីមួយប៉ុណ្ណោះ ដូច្នេះយើងត្រូវតែតស៊ូដើម្បីឡើងទៅវគ្គពាក់កណ្តាលផ្តាច់ព្រ័ត្រ។
បាទ នេះគឺជាគោលដៅរបស់យើង។ នេះគឺជាអ្វីដែលយើងចង់បាន។ យើងចង់ឈ្នះរាល់ការប្រកួត។
នៅក្នុងការប្រកួតនេះ ក្រុមជម្រើសជាតិម៉ាឡេស៊ីបានសម្រេចទីនាំមុខមុន រយៈការតែតបាល់បញ្ចូលទីរបស់ Stuart Wilkin ក្នុងតង់ទីមួយ។
ប៉ុន្តែភ្លាមៗនៅតង់ទី2 ខ្សែការពាររបស់ក្រុមម៉ាឡេស៊ីមួយនេះ មានការរង្គោះរង្គើបន្តិច ហើយត្រូវបានក្រុមម្ចាស់ផ្ទះវាយបកបានពីរគ្រាប់ដោយកីឡាករ Adel Kader និង សារ ទី មុនពេលកីឡាករ Fergus Tierney សង្គ្រោះតាមស្មើក្នុងលទ្ធផល 2-2 និងដណ្តើមបានមួយពិន្ទុមកវិញ។
ក្រៅពីកម្ពុជា និងទីម័រឡេស្តេ ក្រុមជម្រើសជាតិម៉ាឡេស៊ីក៏នឹងត្រូវជួបថៃក្នុងការប្រកួតលើកទី3 នៅទីក្រុងបាងកក ថ្ងៃសៅរ៍នេះ មុនពេលបិទយុទ្ធនាការវគ្គចែកពូលជាមួយសិង្ហបុរីនៅទីក្រុង Bukit Jalil នៅថ្ងៃទី20 ខែធ្នូ។
លើកចុងក្រោយដែលម៉ាឡេស៊ីបានឡើងជាជើងឯកគឺនៅក្នុងឆ្នាំ 2010 ដែលនៅតែជាជោគជ័យតែមួយគត់ក្នុងការលើកពាននៃតំបន់អាស៊ីអាគ្នេយ៍។ ក្រុមជម្រើសជាតិមួយនេះក៏ធ្លាប់ជាប់ចំណាត់ថ្នាក់លេខ៣ដែរក្នុងឆ្នាំ1996 2014 និង2018។
នៅក្នុងឆ្នាំ 2022 ក្រុម Harimau Malaya បានឡើងទៅកាន់វគ្គពាក់កណ្តាលផ្តាច់ព្រ័ត្រ ប៉ុន្តែត្រូវបានក្រុមថៃខកចិត្តដែលបានឈ្នះ 3-1 សរុប មុនពេលក្រុមដំរីទឹកប្រោនបានឡើងមកជាជើងឯកជាលើកទី 7 បន្ទាប់ពីយកឈ្នះវៀតណាមក្នុងលទ្ធផល 3-2 នៅវគ្គផ្តាច់ព្រ័ត្រ។
Premier League Man United VS Newcastle Match ...
ប្រធានក្លឹប Barcelona លោក Joan Laporta កំពុងពិចារណាផ្តល់កិច្ចសន្យាបន្តដល់ Andreas Christensen បន្ទាប់ពីរបួសជង្គង់ធ្ងន់ធ្ងរដែលនឹងធ្វើឱ្យខ្សែការពារដាណឺម៉ាករូបនេះអវត្តមានរយៈពេលជាច្រើនខែ។...
ក្លឹប Real Madrid រំពឹងថាកីឡដ្ឋាន Santiago Bernabéu នឹងរកចំណូលបានជាង 400 លានដុល្លារនៅរដូវកាលនេះ ដែលគូសបញ្ជាក់ពីការផ្លាស់ប្តូរកីឡដ្ឋាននេះទៅជាម៉ាស៊ីនអាជីវកម្មដ៏សំខាន់មួយ។...
ក្លឹប Inter Milan កំពុងទន្ទឹងរង់ចាំទីផ្សារដោះដូរកីឡាកររដូវរងាក្រោយ ដែលនឹងបើកក្នុងរយៈពេលប៉ុន្មានថ្ងៃទៀត។...
យោងតាម ESPN បានឲ្យដឹងថា David Alaba ត្រៀមចាកចេញពី Real Madrid ខណៈដែលក្លឹបកំពុងរៀបចំខ្លួនសម្រាប់ការរៀបចំខ្សែការពារដ៏សំខាន់មួយមុនរដូវកាលក្រោយ។...
សេវាអតិថិជន